اريد ان اعرف

اريد ان اعرف ما بداخلي
هل هو واقع ام وهم
اتعرف علي مابداخلي واستكشفه
واجرده من كل ما به
وابدا معه من جديد
ولكن ماهو مابداخلي
انني لا اعرف اذا كان هذا ضعف ام قوه تحمل
ام هي الحقيقه التي يجب ان اواجهها

او هذا الذي اتوهم به امام نفسي
وامام الناس وفي داخلي الكثير والكثير
واذا كنت اعرف لماذا عندما شاهدت هذه الصوره
رجعت معي الزاكره وماشعرت الا بدموع تتساقط
حقا اريد ان اعرف
وياليتني استطيع ان اسمع اجابه من نفسي

ولسه يااما هنشوف

يااما عيشنا وحبينا ناس واخلصنالهم ولقينا منهم الف غدر

وياما كلمنا ناس وكانوا اقرب لينا من اي حد

وياما شوفنا اشكال والوان من عقول البشر

وياما اتعاملت بطبيعتك واتفهمت غلط

وياما الناس ظلمتك وحكمت عليك غلط

وياما وياما ولسه هنعيش وهنشوف ياماااا

يوم جميل

انهارده كان يوم من احلي ايام حياتي حسيت اني مبسوطه اوووووي والدنيا دي طايره بيه بدات في كورس العلاقات العامه وبصراحه انبهرت اوي بالشرح وبالدكاتره والاسلوب المتقدم بتاعهم مفيش حفظ مفيش رغي كله فهم وانت ايلي بتقول اه والله احنا ايلي بنشرح ايلي احنا جايين نتعلموا

شوفتوا هو ده فن التعامل والتعليم عامل ازاي حسيت اني في بلاد بره كده ولا اسلوب التعامل راقي كده

اول مره احب اني اعد 7 ساعات متواصله ومش عايزه اقوم وخلاص جبنا اخرنا من التعب بس الاسلوب شاددنا اوي

يااااااا لو لو التعليم في مصر بكل مراحله بقه بالاسلوب ده هايتغير حالك يامصر خالص

طظ فيكم

حياتنا كلا احداث ووقائع ومواقف واشخاص في منها بنرضي عنه ومنها مش بيوافقنا ولا بنرضي عنه خالص وبالتالي كل واحد بيعبر عن اللي مضايقه ومن الكلمات دي طب طظ بقه فحبيت أعرف كده ايه مضايق الناس و كلنا عارفين ان الأوضاع عند الجميع في التمام وماعتقدش ان حد هيبقى متضايق دي الحياه بمبي خالص ومع أول سؤال تقول طظ فيكم لمين تن تن تن

http://www.trateeshkalam.com/?p=2210

لما بتديق بتديق مره واحده

ليه لما الدنيا بتديق مع الواحد بتديق مره واحده
جمله قريتها وسرحت فيها شويه كده ولقيتها فعلا دي حقيقه
ليه لما الواحد بيكون مدايق ومخنوق من حاجه يلاقي كل حاجه اتعكت معاه كده مره واحده
بيبقه بيحاول يلاقي اي حته يقدر يفلت منها بس مش لاقي خالص
وتفضل كده الحاجات ايلي محواطاه مديقاه وخانقاه لدرجه انها ساعات توصل انه يزهق من حياته خالص
ياتري ده ايه السبب فيه هل السبب فيه ان ده سوء في تعاملات الانسان انه مثلا لما يكون مدايق من حاجه في الشغل مايعرفش يخرج نفسه منها فده بياثر عليه ويخليه شايف الدنيا كلها سوده
ولا هي فعلا الدنيا كلها بتبقه سوده قودامه ولا هو ايلي بيسودها من تصرفاته وجهله بالتعامل
ولا الانسان ده برئ ملوش زنب في اي حاجه والدنيا هي الي عماله تخبط فيه ومش عارف يروح هو فين فيها
ليه كل ده بيحصل؟
ايه السبب في كل ده انا عن نفسي مش عارفه او مش قادره اوصل لسبب
ياتري انتوا قدرتوا توصلوا لحاجه؟؟؟

البريد الخيالي

كنت قاعده كده سرحانه مع نفسي واعدت اسرح بخيالي شويه واتمنيت حاجه افتح عنيه الاقيها موجوده
اتمنيت اني اصحي من النوم والاقي ساعي بريد متواجد 24 ساعه مش مسدجات وميل بقه والكلام ده

لا خالص انا عايزه ساعي بريد

يوصل الحاجات الماديه مش المعنويه والكلام بس والساعي ده يكون من الطيور ومش اي طيور كمان طيور الزينه بالوانها الجامده

وياسلام بقه لو بتوصل الحاجه دي بليل بجد هاتبقه حاجه جامده اوي وكمان الوانه تتغير في النهار مع النهار والليل مع الليل
ويكون موجود عند كل الناس وعارف الدنيا كلها وبيوصل اي حاجه في ثواني ويرجعلك تاني

مثلا واحد عايز يوصل هديه لحبيبته يعد بقه يستني لما يوصلهالا طبعا في ثانيه الهديه تكون وصلت لها
عايزه حاجه من صاحبتي وتوصلي في ثانيه
مش مهم يوصل حاجه بس خليه يطير كده حوالينا
ده كان خيالي وانا سرحانه ياتري انتوا خيالكم ايه؟؟؟؟؟؟؟

احنا الشباب

احنا الشباب
محتارين وطالع عنينا ولا لاقيين شغل ولا دراسه عدله ولا حتي تفاهم في البيت ولا اصحاب
ولااهل ولا اي حاجه خالص
كل واحد فينا ليه احلامه وطموحاته ومحدش مقدر ده ولا حاسس بيه
ويتهمونا بس ويتريقوا علينا هو ده شباب المستقبل ماشاء الله
شباب متكاسل ولا عايز يعمل حاجه وهو فين بس الفرصه واحنا نعمل
وفرولنا امكانيات واحنا نعمل

من ناحيه تانيه مش عارفين نرضي الناس وده الطبيعي طبعا لان محدش بيعجبه العجب
والحقيقه طبعا شكلهم كده عمرنا م هنرضيهم ابدا اذا كانت حاجه حلوه بنعملها لا ازاي لازم يطلعوا عيوب مهو مفيش حاجه من غير عيوب
ولو معملناش بردوا مينفعش هما وراهم حاجه غير النوم واللعب والكلام الفاضي

احسن حاجه الواحد يكبر دماغه خالص ويديهم الطناش ويعيش مع نفسه بدماغ عاليه ويقفل علي نفسه قوقعته ويحلم ويعيش ويعمل كل ايلي هو عايزه
بس في نفس الوقت يعمل ويشتغل ويدرس ويخرج بس بطناش لكل ايلي حواليه
ساعد نفسك بنفسك او انت وحد زيك محتاج مساعده وهتوصل اكيد طول ماانت عايز توصل هتوصل

تعالوا بقه للبيت انتوا ايه موركمش حاجه تعملوها غير الخروج ةوالسهر واللف في الشوارع طول الليل
ولو قعددت في البيت خليك انت كده طول اليوم قاعدلي علي الزفت ده هيعميك ان شاء الله
انت ايه مفيش حاجه نافعه تعملوها وتستفادوا منها
كفايه سهر نام بدري علشان تصحي بدري تيجي تنام ايه ده
انت هتنام بدري ليه يعني ولا سهر عاجب ولا نوم بدري عاجب
ولا تاخير في الصحيان عاجب ولا صحيان بدري

تيجي الاجازه امتي الدراسه؟ وتيجي الدراسه امتي الاجازه ونرتب ونخطط وهنعمل وهنعمل
وبنبقه فعلا عايزين نعمل بس في حد وراك بيكسر في اهدافك كل متبني طوبه
في حد وراك بيكسر في عشره يبقه انت لو بصيتت للطوب ايلي بيقع عمرك مهتبني طوبه جديده

عيش بقه حياتك وادي الطناش خالص لكل الطوب ايلي وقع منك قصدي كلام الناس ايلي بيرموه ليل ونهار
وهتوصل يعني هتوصل وانا متاكده انك هتوصل وانا كمان هوصل معاااك

بتتحكم ليه؟

بتتحكم ليه؟
سؤال ومحيرني وحاوت اعرف اجابته من بعض الشباب
السؤال هو ليه الولد بيحب يتحكم في البنت
سواء اذا كانت اخته او حبيبته
كنت بعد افكر واكلم نفسي ليه الخنقه دي يعني
هل يعني بيحس برجولته لما يقوم ويزعق ويعمل فيها السبع رجاله
ولا لما بيمد ايديه عليها
ولا لما يمنعها من حاجه نفسها تحققها
الموضوع كبير اوي وليه حاجات كتير ودوافع كتير
بس انا سالت مجموعه من الشباب وكان ضمن سؤالي
انت بتتحكم ولو ليك اخت هتتحكم؟ وايه الحل من وجهه نظرك؟
ودي كانت الاجابات
مصطفي السيد تفتكر ايه سبب التحكم؟
ملوش شرط بمعني انه مش شرط يكون في تحكم بس اذا كان موجود
بيبقي علشان بيحبها اوي او بمعني تاني بيغير عليها وبيظن ان كده هتفلت منه
واخدين بالكوا قال ايه بيظن
؟
يعني معني كده انها هتفلت منه
طبعا لان التحكم بيجيب الملل والاحساس بسلب الحريه
بتتحكم في اختك؟ لا مبتوصلش لدرجه التحكم بس احيانا بيحصل لان انا الكبير وده بيقتضي احساس بالمسؤليه اني اصدر قرارات تحكميه
والحل من وجهه نظرك؟ عدم التحكم

حسام اسامه
كان رائيه ان الولد دايما بيحس انه احسن من البنت وانه عنده امكانيات اكتر منها وكمان بيقول ان احساس عند كل الاولاد بالمسؤليه تجاهها والخوف عليها وكذلك اختي بردوا
والحل هو الثقه المتبادله

مصطفي سعيد كان ليه راي بيقول ان الولد اقوي من البنت وده بيديله المسؤليه وهو ده السبب في التحكم
وكمان الحمايه بتؤدي الي التحكم
طب الحل ايه ؟
الحل ايه بس لو فقدنا التحكم الدنيا كلها هتبوظ اصل البنات شويه مرروشه
وبعدين التحكم للمصلحه يعني مثلا لما اقولها متتاخريش بليل ده لانها مش هتقدر تحمي نفسها لحشاش او خمرجي انما الولد هيقدر يدافع عن نفسه
ولو معملناش كده الدنيا كلها هتبوظ

محمد الرخاوي قال رائي وعجبني اوي

بصراحة مش عارف ايه السبب ... اعتقد ان ده من الاشياء الموروثه الخاطئة عندنا .. لأن اللى يفهم صح هو مش تحكم و لكن نوع من التنظيم و الحماية للبنت فى نفس الوقت .. فاهمين غلط ... فالولد بيتحكم من أجل التحكم و البنت بتاخد أى تصرف منه على انه تحكم ...بالنسبة ليه أنا ماليش اخوات بنات عشان أحكم على نفسى .. و مش مرتبط لسه .. بس متهيألى انى مش من النوع ده .. أو على الأقل .. لو حصل واتحكمت و حد نبهنى .. عندى الحمد لله الشجاعة انى أرجع فيه ...هى القصة كلها لما ربنا قال الرجال قوامون على النساء ... الناس مكملتش الآية .. بما فضل بعضهم على بعض و بما انفقوا ...يعنى زى ما احنا بنقول المركب ما ينفعش يبقى ليها ريسين .. و بما أن الرجل هو النوع الأقوى بدنيا و هو ايللى بيحكم عقله أكثر من مشاعره و هو ايللى بينفق .. فالله أعطاه القوامة ... بمعنى القيادة من اجل المصلحة .. لكن مش من أجل اذلال النساء و التضييق عليهم و نخنقهم .. لأ ... ليهم حقوق لازم ياخدوها .. و الراجل مثلا اذا كان لا ينفق على أهل بيته .. فأعتقد انه بنص الآية تسقط عنه القوامة .. بس ده اجتهاد منى .. لازم يؤخذ فيها رأى علماء ...المشكلة هنا هى نفس المشكلة اللى أنا اتكلمت فيها فى آخر موضوع ليه على البلوج بتاعى أو مرتبطه بيه ارتباط وثيق جدا ... وهى ان كل واحد بيدور على ايللى ليه قبل ما بيدور على ايللى عليه .. و لما تقولى لحد ايللى عليك كذا .. بيتكاسل و ما بيعملش حاجة و ممكن يثور عليكى و يبهدلك و يطلع فيكى العبر كلها ...ولكم فى رسول الله أسوة حسنة ... لم يكن عليه الصلاة و السلام يتحكم فى نساءه و هو رسول الله ... بل كان يستمع لهم و يناقشهم و يلاعبهم ... كان يسابق السيدة عائشة رضى الله عنها .. و فى مرة سبقته ... فظل فترة يغذى فيها حتى زاد وزنها ... ثم سابقها هذه المرة فسبقها ... فقال لها هذه بتلك ... من مننا يفعل ذلك ؟؟ ... و الله لو خلينا ده مرجعنا .. هنبقى كويسين قوى
لقيت بنت قودام قولت اسالها يمكن اكون انا مزوده الموضوع حبتين
ولقيت رحاب لقيتها بتقولي البنت ده ممكن يحصل قودامها وممكن انها تقبله بس ممكن بردوا متقبلوش
وقاليتلي ان الحب اعمي في بيقبلوا بالتحكم ده لانهم بيحبوا
ولكن هي رائيها نكون اصحاب احسن وكل واحد يقول رائيه واذا اتفقوا خلاص اوك لو متفقوش بقه؟؟؟؟؟؟
تحاول لاما تقنعه او يقنعها محصلش خلاص
ملوش لازمه الضغط
اصل في ناس بتقول الولاد عندهم معرفه اكتر مننا ولكن البنت ممكن دماغها تبقي بميت راجل وتحكمات الولاد بتبقه كتيره اوي
متخرجيش ومتلبسيش وبيغيروا عليهم اوي

بصوا بقه انا مش محتاره ولا حاجه ولا هقول للولد لا متتحكمش
لانه لازم يحس بنفسه ولازم يحس برجولته وكل حاجه وانا مش بقول ان البنت تلغي شخصيته خالص
وهو كمان مينفعش يلغي الشخصيه
انا بس نفسي ايلي يحصل انه يتحكم بس باسلوب راقي اوي
موضوع نقاش ويقنعها بوجهه نظره سواء اذا كانت اخته او حبيبته

يحتويها صح يبينلها ان ده خوف عليها وانه بيحبها اوي
وان ده علشان مصلحتها ويقنعها بده ويحسسهولها
صدقوتي لو ده حصل هي غير انها هتبقه مقتنعه او مش مقتنعه هتبقي عايزه تعمل كل حاه علشان ترضيه وخاصه طبعا لو حبيبها
ده مش علشان الحب اعمي بس الواحد عامه لما بيحس ويلاقي ان في حد قودامه بيحبه اوي وبيخاف عليه وهامه مصلحته بيبقه عايز يعمل كل حاجه علشانه

الاحساس

الصوره دي قمه الاحساس بالنسبه ليه

الاحساس ده اجمل حاجه في الدنيا انك تحس بأن في حد او حاجه بتحس بيك
اكيد هترتاح لما يوصلك ده من اي حد مهما كان لو حتي من عصفور صغير
الاحساس مهم اوي في كل حاجه

الاحساس بين الحبيبن حلو اوي لما تتكلم مع حبيبك وهو فاهمك
بس الاجمل انك تتكلم معاه وهو حاسك
الكلام هيوصل قبل ميخرج اصلا

الاحساس مهم اوي بين الام واولادها
لازم هتحس بيهم هتقف جنبهم
معاهم في مشاكلهم ايوه لازم يكون موجود الاحساس ده

الاحساس بين الاصدقاء ان في واجب عليه
ان صاحبي ده اخويا صحبي ده حته مني
في لينك مشاعر واصل بينكم جميل اوي ده

الاحساس بين الاخوات احساس الاخوه شئ جميل جدا
كل حاجه في حياتنا في احساس بتبقه احلي

الصوره لو فيها احساس هتوصل علي طول
بل بالعكس الصوره بتعكس الاحساس وبتوصل الفكره

ولكن ازاي تقدر توصل احساسك ده ومش بس كده وتوصله صح كمان
وياتري هتقدر تتكلم مع حد مش حاسك
وهتعرف منين انه مش حاسك
وانت ازاي بتوصل احساسك هل بالكلام؟ بنظره؟ بلمسه؟

انا تايهه

بصراحه كده انا مش عارفه ابدا منين ولا اقول ايه
بس اناجوايا حاجات كتير اوي وكلها متلغبطه علي بعض
او كل مظبط اموري وارتب نفسي ارجع تاني الاقي نفسي متلغبطه
باختصار كده انا تايهه مع نفسي وليه هدف عايزه اوصله ومش قادره اوصله
وده ايلي هيجنني مش عارفه بجد
انا اه لسه في بدايه الطريق 18 سنه مش حاجه يعني بس بردوا
انا عندي طاقه حاسه انها هتفجرني انا قبل مفجرها
نفسي اوي اكتب والاقي مكان بجد يوظف الموهبه دي صح
يساعدني بجد يقولي انا هنفع ولا لا
ولو هنفع طريقي فين
محتاجه مساعده بس عايزاها من بره مش من القرايب
اصلا خلينا نتكلم بصراحه مفيش مساعده هتيجي من جوه البيت لانهم خايفين عليه
ولا موافقين بصحافه ولا حتي اذاعه ولا اي حاجه
وانا واخده الموضوع عند بعند
بس بجد انا عايزه احدد لنفسي اذاعه ولاصحافه انا حاسه نفسي في الاتنين
الاتنين بيكملوا بعض
عايزه وعايزه وعايزه ومش عارفه بردوا
المهم باختصار كده انا تايهه بجد مش عارفه اعمل ايه ولا احدد ولا اروح فين
ولا قادره حتي افكر اكتب حاجه جديده
كل حاجه وقفت فجاه
في الاخر بردوا هقول مش عارفه ياريت بجد اعرف والاقي حد يساعدني اعرف اوصل
يارب ساعدني

سحر الصوره

الصوره دي عجبتني جدااااااا ولمستني اووووووووي

انا بحب ركوب الخيل جدا واول مره جربتها فيه انا فاكره كنا في رحله للهرم وركبت حصان وكنت خايفه اوي

وعجبني اوي الموضوع بعد كده وفضلت اركبه لحد منتهت الرحله يمكن معملتش حاجه غير ركوبي الحصان ده

الحصان ده بيمثلي في عيونه الجمال

في جسمه الهيبه

في حركته النشاط

كلو علي بعضه يجنن ملوش زي

انا هوايتي الرسم لما شوفت الصوره دي اتجننت وقولت فعلا لازم اقوي الرسم بتاعي انا عندي الموهبه

الصوره دي بجد عجبتني وجننتني

اتكلم مع الطفل

كل واحد فينا ليه اكيد حد قريب منه وبيحب يتكلم معاه
وبيحكيله همومه ويشاركه افراحه واحزانه
واكيد طبعا بيكون من نفس سنه او حتي حد يفهمه ويحس بيه
طب ياتري حد فيكم فكر يكلم طفل صغير ويحكيله عن كل حاجه عنه
يعد كده يكلمه كانه حد كبير قودامه ويتابع الطفل ده هيعمل ايه
عارفين هتلاقوا ايه
الطفل ده هيعد يلاغيك كده وهتحس انه فاهمك ممكن يضحك لو فيه حاجه مفرحاك ويعيط لو في حاجه مزعلاك
كفايه انك هتعد تتكلم مع براءه ملهاش حدوووووود
اكيد هتخرج من ايلي مدايقك وهتبقه تمام اوووووووي
بجد الاطفال نعمه والتعامل معاهم اكبر متعه

دايما حبيبي

علي بالي وفي خيالي

دايما ياحبيبي شاغلي بالي

في احلامي وفي منامي

دايما ياحبيبي منورهالي

دايما ياحبيبي معايا وجوايا

ومالكني هواك

وانا دايما بدعي ربنا اكون معاااااااااااك

دردشه علي الميل

كل واحد فينا اكيد في حاجه مبيحبش يعملها ابداااااا
ولو عملها بتبقه بمثابه اعدام ليه
ومن هنا قررت محكمه احلي كلام بمعاقبه الجناه الذين لا يطيقون الدردشه علي الميل
بالجلوس لعدد ساعات محدد علي الميل
وعمل دردشه وقد تصل المده الي 3 ايام وهو بمثابه اعدام لديهم
معلش بقه يستحملوهم في حين ان غيرهم بيحقد عليهم من العقاب ده لحبه الشديد في الدردشه

نيولوك بالمشابك لجوزك

يااحلي بنات طبعا كلنا زهقنا من من التوك التقليديه بتاعتنا

اشكال والوان ولكن بردوا احنا بنحب التجديد

ايه رائيكم بقه لو تعملوا انتوا التوك بنفسكوااااااا

وباشكال والوان كمان

هاتوا مشابك الغسيل ولونها لو لونها ابيض خشبي رخم كده

وثبتوها في شعرهم كل شويه كده لموهم بمشبك ونسقوا بقه الالوان

مع بعضها

في النهايه هتلاقوا شكل جميييييل زي العفاريت

ايه رائيكم في التهيييييييس

وياسلام بقه لو ده النيولوك لجوزك

اوووووووووووووو ولا في الاحلام

الجامعه علي مدار السنه

اختلاف وتناقض تام في الحرم الجامعي علي مدار السنه
ايام الامتحانات غير الاجازه غير ايام التقديم
ياعيني عليكم ياسنه اولي ويالي هتشوفوه وانتوا بتقدموا وخصوصا لو كليه ليها اقسام
زي اداب كده فيها 16 قسم
وكل قسم شوفوا بقه فيه اد ايه بيقدموا
اه في تقديم الكتروني بس ده التنسيق الداخلي ياحبايبي لجامعتنا حبيبتنا
الكل بيقدم في وقت واحد والكل بيتخانق ويزقوا بعض ويصوتوا ويتجمعوا
لالالا عالم تاني خالص ولا في الاحلام
متستعجلوش ياحلوين هتدخلوا وتشوفواوياسلام بقه لو فكرت تسال علي حاجه في شئون الطلبه
يبصولك ولا حد يرد عليك ايد ساعيتها بتبقه هتموت كده وواقف تاكل في نفسك
وهما في حاله برووووود تاااااام

تعالي كده بقه معايا في اول يوم الكليه وكلنا رايحين مظبطين جيه اليوم بعد طول
انتظار وعذاب
وانت بقه فرحان عايز تعرف جدول دراستك ابقي قابلني لو لقيته
تسال يقولك لا الجدول علي النت تروح للنت يقولك نأسف الموقع من كتر الضغط وووووقع
شوفتوا الجمال!!!!

عرفنا الجدول وروحنا علشان نحضر المحاضرات وفرحانين طبعا داخلين الجامعه ومحاضرات وحريه
وعالم تاني خالص
وتتصدم انك متلاقيش مكان لازم تروح قبل المحاضره بساعه علشان تحجز مكان وياسلام بقه لو المدرج اتزحم
وحجزت مكان علي الارض معلش هو ده تعليم جامعتنا حبيبتنا

اسيبكم بقه ياحبايبي تسمعوا المحاضره ده لو فهمتوا حاجه من الدكتور اصله بيحافظ اوي علي
معاد المحاضره وبييجي بعد نصف الوقت ويحكي عن عذاب الشوارع والزحمه
كتر خير الراجل جي تعبان طلع عينه في الطريق

طول السنه لعـــــــــب وتهريج وتهييس موووووت وقبل الامتحانات تلاقي الاجتهاد
والدروس والمحاضرات والملغي ووووو وشكل الجامعه يفرح
يقول فعلا ان احنا شباب جامدين اوووي وهنطلع حاجه جامده اوي في البلد دي

متقلقوش ياحبايبي هتشوفوا مع جامعتنا حبيبتنا كل ايلي نفسكم فيه

اشتاق

اشتاق لرؤياك وسماع عبير صوتك

اشتاق لنظراتك الرقيقه الطاهره

اشتاق لضحكتك التي تملأ الدنيا حياه

اشتاق اشتاق اشتاق

ولن يكفيني الشوق لانك

ملاك الله علي هذه الارض

وقامت الحرب مع الاضراب

محدش بيسمع لنا محدش حاسس بينا

الاسعار بتعلي والناس بترخص الناس

عماله تموت قول جوع قول فقر قول صدمات ارتفاع الاسعار

قالوا نعمل ايه نعمل ايه

قرروا يعملوا اضراب سلمي وياريتهم مفكروا فيه

دخلوا عليهم قتل وقنابل مسيله للدموع وعساكر

انها الحرب نعم الحرب موتوا شباب 13 و14 سنه ليه ؟

علشان بيطلقوا الرصاص عشوائي لتهدئه الوضع

وضع ايه والله حرام دول قالوا اضراب سلمي نوصل كلمتنا للحكومه علشان تحس بينا

تخيلوا بقه لو قالوا هنكسر كانوا قبلوهم بطائرات وقذائف ارض جو

علشان يهدوا الوضع بردوا

هو ده الوضع !!!!!!!!!!!!!!!

لا للتحرش

بنشوف وبنسمع كل يوم احداث كتييييييير في شوارعنا العظيمه في منه بنصدقه وفي بنقول لا لحد منشوف ده بنفسنا

ومن الظواهر دي بقه التحرش في الشوارع وفي كل مكان

مدايقات وخناقات ومعاكسات بالايد وبالالسن وبالنظرات

اختراق لخصوصيه الغير بنسبه كبيره وبشعه اوووووووووي ليه كل ده علشان ايه بتعمل كده طب ياتري بترتاح لما بتتحرش بحدلما بتعاكس حد؟

الكلام ايلي بيتقال هي عايزه تتعاكس بصوا عامله ايه ولا بسه ايه

طيب دي حريه شخصيه واخترقناهاكمان ايلي لابسه ايسدال ومنتقيه بتتعاكس وبيحصلهم بلاوي لييييييه بقه بردوا علشان لبسهم؟

هترضاها علي اختك ؟معنديش اخوات ودي احسن حاجه اعمل ايلي انا عايزه!!!!!!!!

متنساش انت عندك والدتك !!

ومش بعيد اي حاجه علي ربنالا والغريب بقه ان في اهالي بتقول لاولادها اعملوا كل ايل انتوا عايزينوا بس جواز لا!!!!!!!!

وده كلام سمعته بنفسي وسالت ليه ؟

اتقالي علشان دلوقتي مش وقت جواز هي عايزه كده خلاص يعمل ايلي هو عايزه معاها انما جواز لا طبعا

ياشباب اتقوا الله يجعل لكم مخرجا مش علشان انت ولد وليك غرائز يبقه تفرغها في ازيه واساءه لغيرك

ربنا يهديكم و تخافظوا علينا وتحسسونا بالامان

الحماس في شبابنا

بنسمع كتييير اقاويل واحاديث بين كل الناس وكل الاعمار

كل واحد ليه اهتماماته الاطفال والكبار والبنات والشباب ومقولكوش بقه علي الشباب

تعالوا نسمع كده مع بعض يلا نخرج يلا ندرس يلا ناخد قرصات احنا مقصرين اوي

يلا نلتزم شويه لا بجد عايزين نخدها جد طيب يلا بجد بجد ايوه ياعم مالك في اييييييييه يلا كلنا معااك امتي بس قول بكره اوووووك اكيد طبعا كلنا هنتجمع

وييجي بكره ومفيش اتنين من اللمه الجميله بتاعه يلا يكونوا موجودين معلش اصل حصل وحصل خلاص ياعم خليها بكره ولا تزعل وبكره ده مبيجيش ابداااا ممكن ييجي علي سنه 50 كده يبقه يدوب عقبال منخلص المشاوير بتاعتنا

ييجي واحد تاني ياجماعه احنا عايزين نساعد الناس اه طبعا وماله ده واجب علينا

واحد تاني ايه ياعم مالك مغمقها كده قال نساعد الناس قال مش لما نلاقي ايلي يساعدنا روق ياعم وفتح الواناتك ومتغمقش الدنيا كده اقولك انا تيجي نروح مسرح ولا سينما ده في شويه افلام ايييييه جامده طيب يلا نروووووووح ونلاقي الكل موافق

وهما ماشيين ايه ده اوووووووف شايف شايف ايلي انا شايفه شايف لالالا الليله هتحلو اووووووووي

عارفين شايفين ايه بنوته حلوه يلا ياعم نرخم ونظبط انهارده مش بقولك الليله هتحلو

ييجي غيروا ياعم بس حرام سيبها في حالها ايه ياعم مالك خليك انت في الحرام بتاعك ده عادي

بقه يلا بس تعالوا نفكر نوقعها ازاي يلا يلايلا مممم طيب يلا مااحنا هنعمل اييييييييييييه

ودي كانت اغلب الشباب وايل بيعملوه ياتري انت بتعمل ايه

لما بتكون فاضي وليه مفيش حماس واصرار واراده وعزيمه؟؟؟؟؟؟؟

الوحده

خلق الله سبحانه وتعالي البشريه علي ان يعيشوا معا في بيئه واحده

كما خلق الانسان بطبعه اجتماعي يحب ان يعيش مع الناس تجمعهم اشياء مشتركه او لاتجمعهم ولكن في الاصل ان لا يعيش بمفرده وبمعزل عن الناس

فبدايه الخلق واساسها الاجتماعيه والتعاون وليس العزله

جربت تعد لوحدك تبقي بعيد عن الناس في منفي كده لوحدك ؟

ليك عالمك الخاص في ناس بتحب تبقي كده لوحدها ولكن ده بيبقه بمزاجها ولكن من ناحيه تانيه لو ده حصلك غصبن عنك هيكون شعورك ايه ؟ ايه احساسك وانت في حبس انفرادي مثلا؟؟

شاءت الظروف والاقدار انك تسيب اهلك واصحابك وحبايبك وعشت في مكان بعيد ايه احساسك؟ طب جربت الوحده وانت بين الناس ؟؟؟

احساس صعب اووووووي ووحش جدا لو جربته احتمال تكرهه نفسك

اه اه عايش مع الناس بيحبوك وبيتكلموا معاك وبيساعدوك وكل حاجه بس انت مش حاسس بده او حاسس بيه بس مش هو ده ايلي انت عايزه محتاج حد يفهمك يكلمك تحس بيه ويحس بيك تحس منه انك بتكلم نفسك ونفسك دي فاهماكوحاساك وبتحبك اوي وبتخاف عليك اوي اوي واخيرا

يارب محد يتعرض او يحس بالوحده بين الناس لانها اقوي واقسي من الوحده الفرديه

حب الناس

احساس جميل اوي وشعور اجمل منه لما تلاقي الناس بتحبك كده لله في لله

متزهقش منك من كتر حبها فيك ولا تبقي عايزه منك اي مصلحه ولا اي حاجه

هما بس عايزينك انت معاهم يساعدوك ويحبوك ويبقوا معاك فعلاالانسان لازم يحمد ربنا علي حب الناس لانها نعمه وهو اكيد كمان هيحبهم ويعزهم جدااا

طب وياتري ايلي ملوش قبول من الناس ايلي بيبقي منبوذ من المجتمع والناس؟

اكيد بيحس بشعور فظيع جدا ويمكن يتحول لحاقد كمان خاصه لما يلاقي حد بيشكر في واحد صاحبه وهما كلهم قاعدين مع بعض

ياااااااا احساس سئ اوي طب متيجوا نحط ايدينا في ايدين بعض ونحاول نغير الانسان ده للاحسن ونخليه ينال بحب الناس

اه محدش يقدر ينكر ان حب الناس حاجه الاهيه وبس اكيد في ناس مبنحبهاش لشخصها هي بسبب تصرفاتها وسلوكياتهاوحركاتها كده

يعني تعالوا كده نتخيل المجتمع ده لو كله حب في حب من غير اي مصالح حب في الله ياااااا الدنيا هتبقي جميله واحلي واحلي كمان

يلا نحط ايدينا في ايدين بعض ونحب بعض ونخلي الدنيا احلي بينا

مش حاسس بيكي

اه ياحبيبتي بحبك وبموت فيكي
بس انا مش حاسس بيكي
ياسلام هو ده الحب
حب بدون احساس
حب اخر زمن
ياتري لو انت او انتي اتقالكم الكلام ده
هتقولوا وهتعملوا اييييييييه ؟؟؟

لك قدره

اشهد بأنك لك قدره
فائقه علي اجتذاب الناس اليك
لك قدره فائقه علي حبهم لك
لك قدره علي خداعهم
لك قدره علي .......
بأختصار لك قدره علي امتلاكهم
ولــــــكــــــــــن
ليس لك قدره علي امتلاكي وخداعي
انــــــــــــــا

حبيت

حبيت الحياه بيك
وفي حضنك حبيت اعيش
وفي قلبي حبيت اموت
حبيت اسرح في بحر عيونك واتغزل بها
حبيت امتلاكي لقلبك
ولكنــــــــــــى
عشقت امتلاكك لي
كل هذا احببته فيك
فهل احببت في شيئاااااا؟؟؟

علي اد....

علي اد مابحس بحنانك عليه
علي اد فرحتي بكلامك ليه او عليه
علي اد ماانا فاهماك
علي اد ماانا حاساك
علي اد مابتمني الموت من سماعي كلمه منك قاسيه عليه
بحبببببك اوووووووي

دكاتره الجامعه حاجه تجنن

كل واحد فينا بيعد يحلم ويحلم ياااااااا امتي بقه اكبر

امتي بقه ادخل الجامعه

ودخلنا الجامعه وشوفنا كتييييير اووووووي من دكاترتنا حبايبنا

وانا بحب انقل لكم احداث المدرج روحنا الجامعه وشوفنا الجنان الاصلي من الدكاتره طبعا مش الكل كده بس في كده الدكتور

لما ميعرفش يسيطر علي المدرج هو يرغي والطلبه ترغي والشكاوي تروحله قال مش فاهمين ههههه وهو مازال مستمر في الرغي

انزل كده وروح اخر المدرج تشم رائحه السجاير وتلاقي الكوتشينه والدومنه والعصائر ومقضينها

هي دي الحياه ولا بلاش ادخل مدرج كبير شويه زي تجاره مثلا في بلاكونات كده الشباب نايم وقال بيسمع المحاضره نايمين في البلكونه طبعا داخل المدرج لا بقه ولا الاغاني اسمع ايلي انت عايزه الموبايل في الميك واسمعوا ياشباب لحد ماالدكتور ييجي

شوف كتابه بقه بدل ميبقه لغه دارجه اوفصحي لا ده انت تلاقي الكتاب فصحي وفي بعض السطور لغه عاميه اييييييييه دكتور فعلا ولا في كلام المحاضره بدل ميقول يهرب يقولك يفلفص حرام عليكم ده احنا ايلي هنفلفص وغيرو وغيرو

بقيت احس انه مجبر يدخل حافظ كلمتين وعايز يقولهم بسرعه ومش مهم بقه اهم حاجه يرضي ضميره دخل المحاضره في معادها لاسمح الله وقال الكلمتين بمنتهي الضميرطبعا

وبالنسبه للطرد بقه سالنا ولاد وقالوا احنا كده منعرفش نعد ساكتين ابدااا لازم ندايقه دكتوره

لطيفه مش عايزه تدايق حد اعدي زعقي شويتين تلاته هتزهقي هتسكتيتتدايقي اوي طلعيهم عيل الصبوره زي الاطفال وطبعا مااحلي ومااضحك هذا المنظر بنشوف العجب من الشباب دول والمواقف دي والدكتوره تعد تضحك علي عمايلهم شوفتوا عقاب احلي من كده ههههههههههههههههههههه

دكاتره الجامعه حاجه تجنن

استمتع بالطبيعه

يارب تعجبكم

الاحترام

الاحترام
حبيت اتكلم عن الاحترام في كل حاجه في حياتنا لاننا فعلا بدأنا نفتقد الاحترام ده في كل تعاملاتنا بنتفتقده بين الاصحاب بقينا مبنسمعش الا الشتايم وخلاص وممكن توصل لسب الاهل والاتنين عادي جدا ومفيش مشاكل لا وفرحانين بنفسهم مش فاهمه ايه السبب في كده وممكن تلاقيهم بيضحكوا

مش معني ان احنا واخدين علي بعض او اصحاب اوي يبقه نشتم بعض ونتريق ونهزق بعض مفيش حياه كده خالص بالاسلوب ده .دي وصلت ان الاساتذه بيتهانوا من الطلبه وقد يكون الطالب في ابتدائي يعني حته التربيه كمان مقصرين فيها وهو فعلا هيعمل ايه الول دده او البنت دي وهو شايف كل ايل حواليه بيتعامل وخلاص من غير اي نظره فيها احترام ودلوقتي افتقد الاحترام بين الاحباء كمان انا لاحظت ده وتيجي تتكلم معاهم يقولك عادي احنا بنهزر متقفلهاش اوي كده خلي

الامور تمشي طيب ولما نخلي الامور تمشي وبعدين مهو كده هيبقه في تنازلات كتير واذاكان ده من باب الهزار او التهريج ففي هزار بكل احترام وادب

مش لازم الغلط يعني علشان نمشي الامور وعلي فكره لو فضل الامر كده بين الاحباء يبقي عوض ربنا في الجيل الجديد مهو خلاص مفيش احترام بينهم وهيتمادي في الموضوع ده وساعيتها البنت مش هتقدر تتكلم لانها ايلي خليته كده وواخدعليها اوي

لا يابنات مينفعش كده خالص انتي اغلي من ان واحد يبهدلك ويهزقك وترضيها علي نفسك وتقولي اني بحبه ايه هو ضرب الحبيب زي اكل الذبيب ولا ايه مينفعش ناخد الحب علي اساس انه كل حاجه لازم العقل في كل شئ

شوفتوا كده قبل كده

شوفتوا كده قبل كده
عادات وتقاليد قديمه والعالم بيتقدم

اكيد كل واحد فينا لازم هيحتفظ ببعض القواعد ايلي بتناسبه وتناسب تفكيره مش كل حاجه هنخدها ومش كل حاجه هننبذها من حياتناولكن...........

هناك بعض الاسر تحت اطار العادات والتقاليد بتتربي اولادهم علي طريقه منغلقه جداااااااا لدرجه انها متقدرش تتحرك لوحدها في مكان مهما كان قريبا من منزلهم مبيقدروش يتكلموا ويتحاوروا في اي موضوع

كبروا الاولاد وبقوا شباب ودخلوا كلياتهم المختلفه ومازالوا علي وضعهم

يسمعوا كلام شبابي ولا اكنهم سامعين ولا بيحاولوا يفكروا يعني ايه

اشتغاله ايه ده يعني ايه؟؟؟؟وليه نقول كده منقول بتكدب عليه او بتسخر منيصداقه بين ولد وبنت لالالالا ايه ده ازاي طب ايه ينفع لالا

تعالوا بقه افتحوا اي موضوع للنقاش سوف تلاحظوا الدهشه والاستغراب وطلب المعرفه يعني ايه يعني ايه

ولو جيت وفهمتها ده يعني كذا اي ان كان الشي ومعجبش لالا مينفعش

بصراحه انا شوفت ده وقابلته وكنت بفهم وبرد علي الاسئله بعد كده عملت عبيطه ومبقتش ارد حد غيري يتولي المهمه دي

بس انا بجد مستغربه ازاااااااااااااااااااااااااااي في لحد دلوقتي اهالي سايبه ولادها كده مش معرفاهم اي حاجه خاااااااااااالص ولو اتسال اي سؤال لا مينفعش لما تكبري هتعرفي ايه ده بجد فين الخبرات فين الحوار فين النقاش فيييييييييييييييييييييييييييييييييييييييييييييييييييييييييين

بجد حراااااااااااااااااااااااااااااام والله بيصعبوا عليه

اختيار الاصدقاء وواجبنا نحوهم

كتير اوي بنسمع مقولات وامثال بتحسنا علي الصداقه واهميتها وايه ايلي المفروض نعمله ونختار ازاي الصديق وحوارااااااااات كتير اوووووي شبعنا منها وبنسمعها
[الصديق مرأه لصديقه]
[ اختار الصديق قبل الطريق]وغيره وغيره كتيييييييير
المهم بقه احنا لما بنيجي نصاحب حد بنحط فعلا شروط معينه ولا بنصاحب اي حد وخلاص

ولو صاحبنا وخلاص بنشوف العيوب والمميزات فيه ولا ياعم كبر دماغك اهي عيشه وخلاص

ولا بلاش كده خليه هينفع في وقت عوذه وفي مشكله اكبر ان ممكن يكون الانسان كويس جدااااااااااا ومصاحب حد مش تمام او الناس شايفه انه مش كويس فيبدأوا بقه ازاي

ده يمشي مع ده لا اخلاقه باظت ودي مشكله كبيره اوووووووي لان كده الحكم علي الانسان مبقاش بمعرفته هو شخصيا ولكن الحكم عليه من اصحابه
عندي سؤال لو احنا فعلا صاحبنا حد وحسينا انه مش هينفع معانا هل هنستمر معاه تقضيه واجب ووقت وخلاص؟

ولا هنسيبه خالص؟ ولا هيكون لينا رد فعل اجابي ونحاول تغييره

خصوصا ان في كتير اووووي الظروف خليتهم يظهروا ويعملوا غير ايلي جواهم وبيكون جواهم نضيف اوووووي وكويس

احياء ولكن اموات

الدعم والفقر والغلاء وارتفاع الاسعار في الفتره الاخيره جعلت الكثير من الناس تكره الحياه وبعدهم يفكر في الانتحار

رغبات كثيره قد تختلف وقد تتفق مع بعضها مع اختلاف الاشخاص

ولكن سمعت في احد البرامج الفضائيه عباره ادهشتني

احد المتصلين تمني ان يكون كلب من كلاب الشرطه

لان الكلب يوميا ياكل 3 كيلو لحم وكيلو لبن

وهذا الشخص لا يمتلك ان ياتي بكيلو واحد في الشهر

مش عارفين هيخلوا الناس تتمني انها تبقي ايه بعد كده

معنديش غير اني اقول ارحمنا يارب