الاثنين، 8 سبتمبر، 2008

البريد الخيالي

كنت قاعده كده سرحانه مع نفسي واعدت اسرح بخيالي شويه واتمنيت حاجه افتح عنيه الاقيها موجوده
اتمنيت اني اصحي من النوم والاقي ساعي بريد متواجد 24 ساعه مش مسدجات وميل بقه والكلام ده
لا خالص انا عايزه ساعي بريد
يوصل الحاجات الماديه مش المعنويه والكلام بس والساعي ده يكون من الطيور ومش اي طيور كمان طيور الزينه بالوانها الجامده
وياسلام بقه لو بتوصل الحاجه دي بليل بجد هاتبقه حاجه جامده اوي وكمان الوانه تتغير في النهار مع النهار والليل مع الليل
ويكون موجود عند كل الناس وعارف الدنيا كلها وبيوصل اي حاجه في ثواني ويرجعلك تاني
مثلا واحد عايز يوصل هديه لحبيبته يعد بقه يستني لما يوصلهالا طبعا في ثانيه الهديه تكون وصلت لها
عايزه حاجه من صاحبتي وتوصلي في ثانيه
مش مهم يوصل حاجه بس خليه يطير كده حوالينا
ده كان خيالي وانا سرحانه ياتري انتوا خيالكم ايه؟؟؟؟؟؟؟

هناك تعليق واحد:

Mohamed Mazen El Rakhawy يقول...

أنا هقول عروستى ؟ هههههه ... بس بفكر فى الحمام الزاجل .....ههههه ... أصلها مش خيالية قوى يعنى ... ما هو ده كان الحمام الزاجل زمان ... انتى عاوزاه بس ملون و فى سرعة الصوت ... عشان يعنى يبقى ايديشن 2008 ... هههههههه ... بس جامدة التهيسة ده ... نقدر نقول صيام .. ههههههه ... أشوفك على الفطار المزمع عقده على الجروب ... سلام