الأربعاء، 8 أبريل 2009

يوم نظافه يتيم



ازرع شجره امام بيتك ،النظافه من الايمان ،فوائد الاشجار وانواعها
كل ده سمعناه وحفظناه وصمناه من ساعه مادخلنا المدارس لحد دالوقتى وكل سنه بيتكرر ويأكدوا اوي علي اهميته ولما كبرنا شويه نسيناه لان ببساطه محدش بيعمل باللي بيقولوه ولا حد بيعمل باللي اتعلمه والجميل كمان انك تلاقي اللي بيأكدوا علي الحاجه دى هما اللي بيلغوها طب ازااااااااي؟

ازرعوا شجر ونزرع ونكبر وبدل ماشجره واحده امام كل بيت لا بقوا اتنين وتلاته وبكل بساطه بعد مانبكر نلاقي حد بيهد كل اللي احنا بنيناه في سنين اتهد في كام ساعه ؟؟؟؟؟
هو ده اللي حصل في شارعنا فوجئت ان الشجر كله اتقطع وكان واصل ل 5 ادورا من العماير وايه بقء مقولكوش علي الشارع بقي عامل ازاي !

ولا هما عملوا ايه جابوا الشجر كله علي الارض وياعيني سابوا الساق الخشب اهو بردوا يمكن ينفع في يوم ولا يمكن يجيوا يتسلوا عليه هو كمان علشان محدش يزعل ويبقى في الاخر ولا ساق ولا اوراق واهو نظافه للشارع وتجميل بردو او طبعا مشاركه مع يوم النظافه .
هنظف مدينتنا وبلدنا بايدينا فحتوا بلوعه كبيييييره في وسط الشارع وقفوا الشارع يومين او تلاته تماما مع الشجر طبعا اللي في الارض وكل حد يرميه قودام بيت التاني شويه مش بقولكم يوم النظافه في مصر انتوا متخيلين اليوم ده هيكون عامل ازاي !
اقولكم انا زباله البيوت في الشارع والبيوت هتدهن اسود ولا هي مدهونه فعلا من دخان المصانع والحرايق ،والبهائم في النيل تاخد شاور كده حلو احتفالا بالنظافه والاكل من غير غسيل وكل حاجه حلوه تتخيلوها بالنوعيه دي هتكون موجوده طبعا ماهي نظافه بقي وطبعا اهم حاجه ان اسوار المدارس تدهن ويتكتب عليها من بره فلان بيحب فلانه
وهكذا بقي يوم النظافه اللي هايكون واذا كان يوم نظافه فعلا ونظفوا فيه هو يوم واحد فقط ولذلك اجادوا تسميته بيوم النظافه لانه يوم واحد فقط وبعده سوف يحدث مايسر النفس البشريه واللي اللقاء في يوم قذاره في عام اخر قصدي يوم نظافه.
اتمني ان يحدث عكس ذلك

الاثنين، 6 أبريل 2009

تعالي ياحب

قرب ياحب وتعالي ضمني
ده انا مشتقالك شوق ماله حدود
ليه ياحب قاسي عليه ومش راضي تضمني
مستنياك وبقالي كتير بتمناك
ولما جيت وجرحتني
وقفت مكاني وابصلك واكلمك
واقولك ليه ياحب جرحتني بعد ماعلقتني وفرحتني ومتعتني
وقفت وسكت مكاني ،مشيت من غير كلام قدامي
وبعدت لبعيد ومش راضي ترجع تاني
تعالي ياحب تعالي
تعالي بمتعتك وحنيتك وامانك
تعالي ياحب وضمني