الأحد، 17 مايو، 2009

غمضه عين

اوعي يغرك عقلك يوم
وتقول اعدي بسرعه كده
او اخطفها في غمضه عين
مفيش عسكري ولا ضابط شرطه
هتلاقي نفسك في حته تانيه
هتلاقي نفسك بين اصوار
وضلمه وعتمه وناس تانيه
وواحد يقولك اهلا بيك نورت البيت
وانت تخاف وتقف مفزوع
من الاجواء ومن الاسوار
وماتطلع منها الا بدفع 1000 جنيه
مع تشريفه اقل واجب ونورت البيت
وترجع ندمان وتقول ياريتني مااخدتها في غمضه عين
ولا مشيت عكس الطريق وتطلع بره تلاقي اقوال
وناس في الخدمه بالعيش والحلاوه كمان
شوفت حصلك ايه في غمضه عين