ولاشئ بدونك

عارف انا قاعده بكتب كل حاجه اكنك معايا يمكن مش ببعتهالك عشان كل حاجه رخمه وبتضايقني حصلت وبصراحه مش عايزه اضايقك لما تسمع مني غير لما تقرا بس متخفش هحكيلك ده كله اول ماترجع وانا ليا مين غيرك يعني احكيله
بفكر فيك بتاكل ايه بتشرب ايه بتعمل ايه نايم امتي صاحي امتي
بس حاسه انك مبسوط ونفسك اكون معاك
ويمكن ده اللي مصبرني شويه اني حاسه انك مبسوط بس بردوا انا عايزاك معايا مليش دعوه بقي الله
الدنيا فاضيه عليا اوي ولا حد بيسال عليا ولا حد بيعبرني بالرغم ان كل ده موجود وكتير بصراحه مفيش حد اهمه قدك ومالي عاليا حياتي كلها
يلا بقي ارجعلي بسرعه لاما خدني معاك وحسسني بكل حاجه لحظه بلحظه وحشتني اوووووي بجد
نفسي ترجع عشان اقعد احكي معاك كل حاجه واعد انكش فيك وارخم عليك واعيش طفولتي معاك لا بجد واحشني اووووي ربنا مايبعدك عني ولا ثانيه

احلي احتفال بعيد ميلادي

انا فرحاااااااااانه فرحاااااااااانه اوووووووووووي
والله احلي عييييد ميلاد في حياتي واحلي خروجه واحلي قاعده ولمه وكل حاااااااااجه
اولا حبيبي بجد ربنا يخليك ليا ومايحرمني منك ابدااااااااا بجد ماهما اقول مش هعرف اوفيك حقك
علي اللي عملته انهارده والمفاجأه الجامده جدا دي
حقيقي بشكر ربنا انه بعتك ليا وبشكرك لانك حبيبي وشكرا علي النونو العسول اوي ده  ssssssss
ليناااااااااا ربنا يخليكي ليا ياحبيبتي وتسلميلي علي ترتيباتك مع عمرو لا شغل جااااااااااامد بجد اوووووووي
ووفرحت جدا جداااااااا والله مستنياكي في بيتنا ها
هبه عادل تسلميلي ياحبيبتي وتسلميلي الكاميرا بتاعتك وبجد انا كنت مبسوطه جدااااااااا انك كنتي معانا بحبك يابنتوته انتي
طبعااااااااا شكرا جدااااااااااااا لاحلي اصحاب واخوات في الدنيييييا امنيه ومروه ساره ربنا مايحرمني منكم ابدااااااا وعلي فكره بقي كانت مفاجأه جامده جدااااااااااوالخاتم عسول اوي علي فكره
والنهارده اليوم كان حلو اووووووووووي بيكم كلهم
الاء فرحت بمجيتك اوووووووي ياحبيبتي ربنا يخليكي ياقمر

وبصراحه بقي كده علي قد فرحتي دي علي قد ماكان نفسي عمر واحمد يكونوا معاناااااا لاني متاكده اليوم كان هيعجبهم اوي بس بردوا شكرا انكم جيتوا معانا في الاول

بصوا بقي انا مهما اقول مش هعرف اوفي حد حقه بحببببببببببببكم كلكم ويارب نفضل مع بعض كده متجمعين العمر كله

التاريخ 23 -6-2010
المكان piestro

طفله بكل ماتحمله الكلمه من معاني

انها طفله بكل ماتحمله الكلمه من معاني

كل من يعرفها يطلق عليها هذا احيانا من باب المداعبه واحيانا اخري لانهم يرون فيها هذا

ولكن لا احد يعرفها جيدا اكثر من حبيبها التي عشقته وتمارس امامه طفولتها دون خجل مطلقا فهو يعلم جيدا كم هي طفله وعلي الرغم من انها تبلغ من العمر 20 سنه ولكن احيانا كثيره لاتعطيها اكثر من 5او 6 سنوات من طفولتها

طفولتها تتمثل في حبها للناس باحساسها بحبهم لها فهي لا تعرف حب المصالح مطلقا وسرعان ماتشعر باختلاف في الاحساس لمصلحه ما تجدها دون تفكير تبتعد

تتعامل من منطلق طبيعتها وفطرتها التي لا يدركها الكثير وحتي ماتفعله من اخطاء تكن دون قصد منها فهي لا تحتمل ان تزعل احدا منها بقصد وخاصه اا كان اقرب الناس لها

الي الان تعجبها لعب الاطفال وتشتريها وتلعب بها وسرعان مايراها طفل يتعلق بها ويحبها حبا شديدا لحبها الشديد للاطفال

فحينما تذهب الي اي مكان وتجد طفلا لا تتردد ان تذهب اليه وتلاعبه ثم تتركه بابتسامه كبيره متمنيه ان يفضل معها اطول وقت وتتمني من الله ان يعطيها طفلا مثله عندما تتزوج هي وحبيبها

مازالت تفرح بأي شئ مهما كان صغيرا بغض النظر عن ثمنه او قيمته وتري فرحتها الشديه تملا وجهها وابتسامتها تعطيك الامل في الحياه

وفي عيد ميلادها العشرين تشعر بسعاده بالغه لانه اول عيد ميلاد يجمع بينها وبين حبيبها واول هديه تاخذها تكون منه

علي الرغم ان كل عيد ميلاد تشعربفرحه رهيبه ولا كأنها لديها سنتين ولا تعلم سبب كل هذه السعاده عكس كل الناس التي تحزن لانها تكبر ولاكنها تفرح من اجل الفرح بعيد ميلادها لا لانها تكبر لانها لاتشعر بذلك فمهما كبرت فهي طفله في عيون نفسها وحبيبها والاخرين من حولها

انا بجد فرحانه اوووووي انهارده وشكرا جدا لكل حد قالي كل سنه وانتي طيبه وشاركني فرحتي وطفولتي

بحبكم اووووووووي وبموت فييييك ياحبيبي

بحب اسمي

كلنا واحنا صغيرين مش بنبقي عارفين سبب تسميه اهالينا لاسمنا ايه

ولكن لماا نكبر لاما بنكره الاسم ده ونعد نقترح عليهم اسماء طب انتوا ليه مسمتوناش ذا وكذا يوووووه ده انا اصحابي بيتريقوا عليا في المدرسه وساعات الاسم بيبقي عقبه

ومين اللي اقترح الاسم ده

وفي اللي الاسم بيبقي عاجبه او مش فارق معاه

انا بقي الحمد لله اعدت اسالهم هما ليه سموني هبه وعرفت ان عمي هو اللي سماني الاسم ده

انا الاسم بالنسبالي عادي اهو خفيف وبحبه اوي وخصوصا لما حد من الاطفال يندهه باسمي ويقولي هبببه ويحاول كده ينطق الاسم وساعات كما بيبقي قبل مايقول بابا وماما كمان

وكمان كنت بحب اسمي اووووي وببقي عايز اشكر اللي اقترح عليهم وقالي نسميها هبه ايام المدرسه لما كانوا المدرسين يندهوا الاسامي بالترتيب الابجدي فانا اسمي دايما كان بيبيقي في الاخر وبصراحه كنت بحب ده جداااااااااا لاني كنت ببقي خايفه اوي اني اتسئل في الاول كده وبردوا اكون لحقت اجهز واراجع شويه

فبس بق يالحمد لله الحمد لله اسم مش عاملي مشكله هو كتير شويه لالا شويتين تلاته اربعه

بس الحمد لله نعمه من عندربنا مش احسن ماكان غريب عجيب اتزل بيه علي طوول الحمد لله الحمد لله

يوم طالب مثالي

صحيت الصبح مفزوعه علي صوت رنه الموبيل الساعه 9 ونصف وانا نايمه جدااااا

الو ايه في ايييييه

ايه يابنتي انتي لسه نايمه يالله بسرعه دي الدكتور ربع ساعه واداخله

ممممم مممممممممم طيب طيب هاجي وقفلت الموبيل وانا بفكر هي الساعه كام انا عايزه اناااام

وقومت وفي ثواني لبست وجريت علي الكليه وفضلنا في انتظار الدكتور اللي هاتجي الساعه 10 طبعا مش عشان احضر المحاضره عشان اقعد مع صحباتي ونفكر نحل التكليفات اللي متكومه علينا وهتتسلم في نفس اليوم

تقولوا ايه طالبه مثاليه بقي

خلصت المحاضره الاولي وكله تمام التانيه بقي بعديها علي طووول

يلا بسرعه يابنات نلحق ننزل المدرج اللي تحت عشان نعمل التكليف التاني

وخلصنا بقي المهم بقي في ده كله فضلنا مستننين الدكتور تدخل ساعه وربع من معاد المحاضره وبصراحه انا مكنتش عايزاها تدخل اصلي مش بفهم حاجه ودي تاني محاضره احضرها من اول السنه عشان هي محاضره رخمه اصلا وبتنيم

ومع اول مادخلت اعدت اسال حد معاه هاند فري قالولي طبعا عشان اسمع اغاني براحتي لحد ماتخلص المحاضره

محدش رضي يديني املا منهم اني اركز وافهم

طبعا ولاني كنت جعانه جداااااا كان جيلي حاله من حالات الصرع علي الاكل اللي نادرا مابتحصلي

قمت طلعت جبت كيس بيك رولز وامنيه صحبتي شيبسي ماكس

وانطلقت في المحاضره

الدكتور تشرح وانا اكل وهي تشششششرح وانا اكككككل ووعماله اعمل ميكس بقي بين البيك رولز وبين الشيبسي اللي كان بيحرق وانها بطفي بالميه والغريبه اني كنت مااكل كل مااجوع اكتر وصحباتي يقلولي بس هتطردتي بطلي

قولت عاااادي هقولها تاخدي واحده وتسيبني اكمل اكل يادكتورJ

عمركم شوفتوا يوم مثالي اكتر من كده

واخيرا احب اقولكم من طلب العلا نام الليالي وساب المحاضره وقال انا مالي

فكرتي تشتري سجاير؟

عمرك فكرتي تشتري سجاير مش ليكي؟
طبعا الكل هيقول يعني مفيش غير البنت اللي تنزل تشتري سجاير
انا اتحطيت في الموقف ده كنت مره مع بابا وعايز سجاير وانا اقترحت عليه اروح اساله في المحل وكنت مصممه جداااا
لقيته بيقولي لا وبيرفض بشده استغربت وسالت ليه وكانت الاجابه عشان انتي بنت مينفعش طبعا
ولاني لمضه ومينفعش اعدي الموضوع بسهوله كده فضلت اكرر الاسئله واقنعه انه عادي ومفيهاش حاجه وانا مش مكسوفه بالعكس شايفه الموضوع عادي جدااااااا
في الاخر بابا قالي شكلك بتشربي سجاير فرط من وراايا هههههه و
يابنتي الناس تقول ايه انتي بتتكلمي في ايه طبعا مينفعش تروحي تشتري سجاير
ولما سالت كتير من زمايلي لقيت الاجابه يعني مفيش غير البنت اللي تشتري وانتي طبعا اكيد بتستهبلي
طب ايه النظاااام؟

هو معني ان البنت تشتري سجاير يبقي كده بتشربها؟
ولو لو انت ولد ولقيت بنت بتشتري سجاير هتبصلها ازاي ؟
ولو انتي بنت وحد طلب منك تشتري سجاير هتوافقي ولا لا؟

معاناه حمار

كائن من ضمن الكائنات ربنا رزقنا بيه لخدمتنا والاستفاده منه وجعلنا نرعاه ونحميه بما يحقق منفعتنا وبردوا رفقا به ولكن احنا طبعا لازم نحسسه بالظلم والقهر في كل حاجه

يخدمنا ويطلع عنيه وبردوا نعذبه ونزله مكأفاه للي بيعمله معانا ومكأفاه لمساعدتنا

مدخلينه في كل حاجه في الزراعه ومع الفلاح بيعتبر الحمار وسيله مواصلاته وعربيه نقله بيشيله كل حاجه وفي الاخخر لمقابل يكون انه يسيبه من غير اكل ولا غطا في البرد ويدخل يدفي وينام هو

هو ده مش كائن بيحس ؟ ولما تيجي تسال حد منهم يقولك يعني انيمه في البيت مكاني هنعمله ايه يعني ماهو متعود !!!!

يشيل ويحط ويروح وييجي وفي الاخر نضربه في الزحمه قال مش عايز يمشي او مش قادر يمشي او يطلع المطلع العالي عليه وفوق قدرته هو في ايه؟

طيب لما تلاقي حمار واقف وفي واحد يجيب دبوس ويشكه بيه في بطنه وده واقف في حاله والتاني المفترض انه ماشي في حاله يبقي ده اسمه ايه؟

في مباراه الجزائر كسبناهم لونا الحمار بعلمهم وفي ناس حرقت العلم علي الحمار فين الاحساس؟؟؟

وكذلك في اي حاجه وغيره وغيره كتير من المواقف اللي كلنا بنشوفها في الشوارع

هو يعني عشان مش قادر يتكلم ويتمرد ويتنكر علي وضعه نعمل اللي احنا عايزينه فيه بدون شعور علي الرغم انك لو نظرت لعين الحمار هتحس فيها بحزن فظيع وظلم واسي يمكن تغير موقفك وتحس بيه

هو احنا ليه كده مش بقي عندنا ادني احساس بالرحمه

ده حتي الرسول صلي الله عليه وسلم وصانا بالرفق بالحيوان بجد مش عارفه اقول ايه

غير ان كل حاجه بقيت بتقابل بالسوء

ترضي لنفسك انك تتعامل كده؟ مانت وهو كائن واحد والفرق العقل بينكم بس الاحساس موجود لو ترضي لنفسك تتعامل بالقسوه دي خليك علي وضعك واوعي تتغير

وربنا يقويك ياادي الحمار علي حالك

غرائب الشارع

طول ماانت ماشي في الشارع بتقابلك غرائب وطرائف واكيد كل حد فينا اتعرض للمواقف دي او شاف حاجه استغربلها جدا

و ساعات كتير مش بتبقي عارف تعمل ايه وعقبال ماتفكر تتصرف ازاي يكون المشهد خلص وانت بردوا مازالت واقف مندهش تعالوا كده نشوف ايه اللي بيحصل في الشارع

لما تبقي قاعد في ميكروباص وتسمع نغمه موبيل كاكي كاكي كا عادي جدا بس اللي مش عادي انها تبقي لراجل عجوز

لما تشوف بنت ماشيه بتعيط جامد اوي وفجاه تلاقي راجل جيه ونازل ضرب فيها

ولما تلاقي الشارع واقف تماما ولما تحب تعرف السبب تلاقي اتننين ستات ربنا مديهم شويه قوه وبيعملوا استعراض كاراتيه في الشارع مش بس كده وكمان واحده منهم تتجرد من ملابسها والشارع اللي مايشتري يتفرج

لما تلاقي واحد مجنون جيه عض راجل من كتفه وطلع يجري

ياتري ايه اكتر موقف غريب او طريف حصلك في الشارع وعملت فيه ايه ؟

وانا دلوقتي مضطره اقولكم باي باي اصل في واحد مجنون بثق عليا (تف عليا)

سرقه بالبيض

كل يوم بنسمع اخبار ومقالب واحداث جديده منها اللي بستغرب منه اوي ومنها اللي بنتصدم لما بنسمعه وفي كمان حاجات بنسمعها مش بنبقي عارفين ده ليه حصل ولو حصل معانا هنعمل ايه

من اخر الحاجات اللي سمعنا عنها طرق جديده في السرقه وهي انك تبقي ماشي كده في امان الله وهوب فجأه تلاقي كرتونه بيض اتحدفت علي عربيتك طبعا انت زي الشاطر كده هتقوم موقف العربيه ونازل تندب حظك جنب العربيه وتفكر تعمل ايه في المصيبه دي لانك لو رشيت ميه وخليت المساحات تقوم بدورها لزاجه البيض مع الميه هتعمل احلي شغل واحب اطمنك انك بردوا مش هتشوف حاجه ولو حبيت تنشفها بحته هتتعك وبردوا ومش هتعرف تشوف حاجه لان الزجاج هيبقي مخيم جدااااا وعقبال كل ده مايحصل هتكون انت وعربيتك اتقلبت قصدي اتسرقت

طيب تخيل بقي كده لو انتي ماشي علي رجليك في الشارع سواء مستعجل او متشيك ورايح مشوار مهم بقي اوي او رايح الشغل وفجأه لقيت بيض ني بيترمي عليك وطبعا اتبهدلت هيكون رد فعلك ايه واحساسك وقتها ايه ؟

وبصراحه لما سالت الناس كان ردهم

مدحت وجدي: هموته

وهكون مخنوق جدا لاني هكون اتبهدلت

ابراهيم: لو كان قصده هموته علي طول اما لو غصب عنه هقوله الله يكرمك وهحاول اتصرف انا بقي

امنيه عبدالله :هيبقي يومه مش فايت وايه القرف ده

شيرين : يييع ده انا ممكن اعيط في الشارع

دينا: انا هزعقله وهعيط علي اللي حصلي

حنان صالح :مش عارفه ممكن اعمل ايه من كتر الصدمه وبعدين دي بتختلف من رجل كبير لشله شبابا لحد معتوهه او ده يعني كل فوله وليها كيال

هبه: يالهوي بس هضايق اوووووي وممكن ازعق جامد

سهر معرفش

امل محمود : هبص بقرف واحتمال اشتم

اما انا بقي فمش عارفه هقول ايه ولا هعمل ايه بس اللي متاكده منه اني هفضل واقفه مصدومه شويه وممكن تلاقوني قولت ينفع كده

ها هتعملوا ايه وهيكون احساسكم ايه ؟

نشر بمجله بحلقه بتاريخ 17 ديسمبر2009

إحساسك إيه لو جه لك زهايمر ؟

الذاكره من نعم الله علينا التي لا تعد ولا تحصي طبعا نعمه وفضل كبير جدااااااا منه علينا شوفوا احنا من غيرها كانت حياتنا هتبقي عامله ازاي مش بس كده ده احنا من غير ذاكره مفيش دماغ مفيش تفكير مفيش اي حاجه خالص لانك ببساطه مش هتبقي فاكر اي حاجه علشان تعمل اي حاجه

بس علي الرغم من كده النسيان نعمه علينا ولكن مش لدرجه انك تفقد ذاكرتك لان بردوا لو كنت بتنسي مكنتش هتقدر تعيش من كميه الضغوط ولا هتقدر تفكر فهي سلاح ذو حدين ده انت لما بتنسي اسم زميلك بتبقي مضايق اوي انك اتحرجت قدامه ولما بتنسي رقم مهم بتبقي مش طايق نفسك وياسلام بقي لو نسيت حاجه مهمه قدام مديرك وغيره كتير من المواقف اللي ممكن تتحط فيها تبقي عارف يعني ايه توصل لدرجه انك تنسي اسم ابنك ومواعيد رضاعته وتغيير حفظاته والكلام ده وتتضطر انك تكتبي ده كله علشان تقدري تتجاوبي امشي بقي بورقه وقلم علي طول الوقت ،

ايوه ده فعلا حصل لإمراه بريطانيه متستغربوش اكيد محدش نفسه يبقي في نفس الحاله دي وعلشان كده جبتلكم انهارده بعض الاكلات البسيطه اللي هتساعدنا في تقويه الذاكره اولا الاسماك بتلعب دور كبير جدا في تنشيط الذاكره

ثانيا تناول الفاكهه وخاصه التي تحتوي علي فيتامين أ ج د مثل الفراوله والتوت والكريز والبرقوق ولانها بتعمل علي التخلص من المواد المؤكسده الضاره بخلايا المخ

ثالثا عليك تجنب الاطعمه التي تحتوي علي الدهون المشبعه كاللحوم الحمراء والالبان كامله الدسم‏،‏ والمقليات والسكريات والعجائنكمان عايزه اقولكم ان الاهتمام بنظافه الاسنان واللثه بيلعب دور كبير جدا في تقويه الذاكرهعمرك فكرت في احساسك لو فقدت الذاكره ؟

اكيد انت دلؤقتي مستغرب من سؤالي بس انا متاكده انك مسالتش نفسك احساسك هيكون ايه ؟ياتري هيكون ايه؟تعالوا كده نشوف احساس بعض الناس هيكون ايه

ساره عزو : هكون حاسه بالبله لاني مش هكون فاهمه حاجه حواليا وحاسه ان الناس كلها غلط وانا اللي صح

احمد جمال: اكيد هكون زعلان لاني مش هكون قادر اعيش وفي نفس الوقت احيانا هيكون كويس عشان اقدر انسي الحاجات اللي نفسي انساها

حاتم عرفه:اكيد مش هابقي فاكر امل محمود: اكيد مش هبقي حاسه حاجه لاني مش هابقي فاكره

محمد سعيد : هزعل علي الحاجات الجميلة اللي هنساها و هفرح علشان هنسي كل الوحش

مصطفي سعيد:مش هاعرف اني عندي زهايمر وقتها

بردوا مقولتليش احساسك هيكون ايه؟

نشرت بمجله بحلقه بتاريخ 26 نوفمبر 2009

ياتري حلمك race ولا عربيه؟

كل يوم بيعدي علينا بنكبر واحلامنا وطموحاتنا بتكبر معانا

وفي ظل كل الازمات اللي موجوده في بلادنا واللي المواصلات واحده منها بقي حلم حياه كل شاب انه يكون معاه عربيه ومش مهم بقي اي حاجه تانية المهم انه يكون معاه عربيه وبس.

اتجدد الحلم ده واتغير وبقي امنيه حياه معظم الشباب انه يجيب ال" race " والحقيقه انه بقي حلم البنات والولاد منهم عايز يتمنظر بيه قدام البنات، ومنهم عايز يوصل للمكان اللي عايزه بسرعه الي حد ما .

وعلي الرغم من خطورته الشديده في الطريق ان ده لا يمثل اي عائق بالنسبه لحلمهم مبررين ده ان الاعمار بيد الله واللي نصيبه في حاجه هيشوفها

واختلفت الاراء بينهم

تعالوا كده نتعرف علي رأيهم وسبب حبهم الشديد ليه

احمد علي 19 سنه : شكله جامد بس مش هشتريه لاني عندي عربيه وكمان خطر جدا

احمد جمال 20 سنه:انا مش عارف ده ايه لزمته في الحياه غير ان الواحد بيستعرض دي حتي القاعده عليه مسخره!

مصطفي سعيد 15 سنه: شكله جامد وسرعته عاليه وبيدي منظر رهييييب ده غير ان حاجه بعجلتين وبتوصلني للمكان اللي عايزه

محمد سعيد 20 سنه:سريع وبينجز وبيعدي في الزحمه وثمنه حلو

اما عن رأى امنيه فتحي فهي تحبه وعايزه تشتري واحد

وعلي الرغم من ذلك معظم الاهالي يرفضونه خوفا علي ابنائهم من خطورته

وكانت معظم الاراء بالنسبه للبنات مش هبص لواحد بيتمنظر بيه لانهم مش بيحبوا المنظره ياتري ده بجد ولا كلام من ورا قلبهم؟

في العربيه في هيكل بيحميك انما مع ال race الشارع بيقولك اهلا وسهلا بيك وكله

ياتري حلمك موتوسيكل (ريس) ولا عربيه وليييييه ؟

يلا قولنا حابين نسمعك

نشرت بمجله بحلقه بتاريخ6 نوفمبر 2009

امتي اصغر بقي ؟

يوووه ياماما بقه تعالي الحقيني اخويا عمال يضربي

امتي بقي اكبر وافرمك

يووه هو كل حاجه انا انا امتي بقي اكبر علشان ابقي مشغول واقدر اقول لا

انا عايز اكبر وابقي ظابط علشان امسك الحرامي

وانا عايز اكبر ابقي مدرس واضرب العيال زي مامدرستي بتعمل فيه

؟

نفسي اكبر بقي قولناها كتير وبنسمعها كتير في عالم الطفوله الغريب والطريف

ولما كبرنا اتعكس الامر وعايزين نصغر تاني ياتري ليييييييه

حنينا لايام زمان ؟ والزهقنا من جو الكبار اللي عايشين فيه؟

تعالوا نشوف اصحابنا كانوا بيعملوا ايه؟

كنت بعوم في النيل مع اصحابي

بلعب في الشارع ده شئ اساسي بنعمل البدع

كنت بلعب بلي مع اصحابي

كنت بطير مع الطياره واعد اجري وراها

افلام الكارتون ياسلام عليها

كنت ببيع الساندوتشات بتاعتي في المدرسه ده شكله معذور في قرشين ولاحاجه

ياسلام بقي علي العربيات وفوووووو والمسدسات

كنت بديها تكسير في اللعب

كنت بضرب اختي براحتي ماانا صغير بقي

كنت بعوم الشقه ميه من ورا ماما واقول شط اسكندريه

بنوته"نفسي العب كوره اوي"

كنت بحط ايدي في بؤ الكلب !!!!!

كنت بطير العصافير من القفس بتاعها

مره لقيت صرصار في المدرسه وحطيطه في علبه واعدت اخوف بيها البنات

ياااااا لو ترجع ايام زمان

تخيل نفسك في رحله زمنيه لمده 5 دقائق بغرائب الطفوله ياتري هتعمل فيهم ايييييييه

نشرت في مجله بحلقه بتاريخ 27 اكتوبر 2009