السبت، 2 يناير 2010

امتي اصغر بقي ؟


يوووه ياماما بقه تعالي الحقيني اخويا عمال يضربي

امتي بقي اكبر وافرمك

يووه هو كل حاجه انا انا امتي بقي اكبر علشان ابقي مشغول واقدر اقول لا

انا عايز اكبر وابقي ظابط علشان امسك الحرامي

وانا عايز اكبر ابقي مدرس واضرب العيال زي مامدرستي بتعمل فيه

؟

نفسي اكبر بقي قولناها كتير وبنسمعها كتير في عالم الطفوله الغريب والطريف

ولما كبرنا اتعكس الامر وعايزين نصغر تاني ياتري ليييييييه

حنينا لايام زمان ؟ والزهقنا من جو الكبار اللي عايشين فيه؟

تعالوا نشوف اصحابنا كانوا بيعملوا ايه؟

كنت بعوم في النيل مع اصحابي

بلعب في الشارع ده شئ اساسي بنعمل البدع

كنت بلعب بلي مع اصحابي

كنت بطير مع الطياره واعد اجري وراها

افلام الكارتون ياسلام عليها

كنت ببيع الساندوتشات بتاعتي في المدرسه ده شكله معذور في قرشين ولاحاجه

ياسلام بقي علي العربيات وفوووووو والمسدسات

كنت بديها تكسير في اللعب

كنت بضرب اختي براحتي ماانا صغير بقي

كنت بعوم الشقه ميه من ورا ماما واقول شط اسكندريه

بنوته"نفسي العب كوره اوي"

كنت بحط ايدي في بؤ الكلب !!!!!

كنت بطير العصافير من القفس بتاعها

مره لقيت صرصار في المدرسه وحطيطه في علبه واعدت اخوف بيها البنات

ياااااا لو ترجع ايام زمان

تخيل نفسك في رحله زمنيه لمده 5 دقائق بغرائب الطفوله ياتري هتعمل فيهم ايييييييه

نشرت في مجله بحلقه بتاريخ 27 اكتوبر 2009

هناك تعليق واحد:

بنـوتــــة يقول...

يااااااااااااه ع الطفولة و شقاوة البراءة
أنا كنت و أنا صغيرة أوي عفريته
و كل ما أكبر كنت بعقل و أهدى
لحد ما وصلت لثانوي و جامعة
هادية مين ؟؟؟ ده أنا عفريتة جوا و بره
^ـ^
أنا مش نفسي أصغر أوي يعني
أنا نفسي لو أتفرج على شريط شقاوتي و عفرتي و أنا صغيرة

كلام جامد و جميل أوي
;)