السبت، 31 مايو، 2008

لا للتحرش

بنشوف وبنسمع كل يوم احداث كتييييييير في شوارعنا العظيمه في منه بنصدقه وفي بنقول لا لحد منشوف ده بنفسنا
ومن الظواهر دي بقه التحرش في الشوارع وفي كل مكان
مدايقات وخناقات ومعاكسات بالايد وبالالسن وبالنظرات
اختراق لخصوصيه الغير بنسبه كبيره وبشعه اوووووووووي ليه كل ده علشان ايه بتعمل كده طب ياتري بترتاح لما بتتحرش بحدلما بتعاكس حد؟
الكلام ايلي بيتقال هي عايزه تتعاكس بصوا عامله ايه ولا بسه ايه
طيب دي حريه شخصيه واخترقناهاكمان ايلي لابسه ايسدال ومنتقيه بتتعاكس وبيحصلهم بلاوي لييييييه بقه بردوا علشان لبسهم؟
هترضاها علي اختك ؟معنديش اخوات ودي احسن حاجه اعمل ايلي انا عايزه!!!!!!!!
متنساش انت عندك والدتك !!
ومش بعيد اي حاجه علي ربنالا والغريب بقه ان في اهالي بتقول لاولادها اعملوا كل ايل انتوا عايزينوا بس جواز لا!!!!!!!!
وده كلام سمعته بنفسي وسالت ليه ؟
اتقالي علشان دلوقتي مش وقت جواز هي عايزه كده خلاص يعمل ايلي هو عايزه معاها انما جواز لا طبعا
ياشباب اتقوا الله يجعل لكم مخرجا مش علشان انت ولد وليك غرائز يبقه تفرغها في ازيه واساءه لغيرك
ربنا يهديكم و تخافظوا علينا وتحسسونا بالامان

هناك تعليق واحد:

amira portsaid يقول...

انت عارفه ياهوبه أنا من كام يوم شفت راجل هومش كبير قوي بس تقريبا30 35 سنه وكان بيضايق بنات في الاتوبيس أول حاجه لمحتها ان ايده الشمال فيها دبله؟؟؟؟؟؟؟؟؟؟؟؟
يعني متجوز يعني معندكش رغبات مكبوته يعني فكره ان الشباب بيعمل كده عشان تأخر سن الزواج والكلام الفارغ ده مش حقبقي
بس أنافي فكره خطرت في بالي ساعتهاأكيد الراجل ده بيمثل على مراته ان هو شخص محترم طب انت ازاي تكون متجوز واحده وهي مش ماليه عنيك وبعدين سألت نفسي سؤال هو ممكن أنا أكون متجوزه واحد وهو بيعمل كده في بنات الناس في الشارع يانهار اسود يعني أنا ممكن أكون مكان الست الي قاعده في البيت ده يانهار اسود طب أن هعرف منين مهو أكيد هيمثل عليا زي ماالراجل ده بيمثل على مراته بجد احساس بشع