السبت، 31 مايو 2008

الجامعه علي مدار السنه

اختلاف وتناقض تام في الحرم الجامعي علي مدار السنه
ايام الامتحانات غير الاجازه غير ايام التقديم
ياعيني عليكم ياسنه اولي ويالي هتشوفوه وانتوا بتقدموا وخصوصا لو كليه ليها اقسام
زي اداب كده فيها 16 قسم
وكل قسم شوفوا بقه فيه اد ايه بيقدموا
اه في تقديم الكتروني بس ده التنسيق الداخلي ياحبايبي لجامعتنا حبيبتنا

الكل بيقدم في وقت واحد والكل بيتخانق ويزقوا بعض ويصوتوا ويتجمعوا
لالالا عالم تاني خالص ولا في الاحلام
متستعجلوش ياحلوين هتدخلوا وتشوفواوياسلام بقه لو فكرت تسال علي حاجه في شئون الطلبه
يبصولك ولا حد يرد عليك ايد ساعيتها بتبقه هتموت كده وواقف تاكل في نفسك
وهما في حاله برووووود تاااااام

تعالي كده بقه معايا في اول يوم الكليه وكلنا رايحين مظبطين جيه اليوم بعد طول

انتظار وعذاب
وانت بقه فرحان عايز تعرف جدول دراستك ابقي قابلني لو لقيته
تسال يقولك لا الجدول علي النت تروح للنت يقولك نأسف الموقع من كتر الضغط وووووقع
شوفتوا الجمال!!!!

عرفنا الجدول وروحنا علشان نحضر المحاضرات وفرحانين طبعا داخلين الجامعه ومحاضرات وحريه
وعالم تاني خالص
وتتصدم انك متلاقيش مكان لازم تروح قبل المحاضره بساعه علشان تحجز مكان وياسلام بقه لو المدرج اتزحم
وحجزت مكان علي الارض معلش هو ده تعليم جامعتنا حبيبتنا


اسيبكم بقه ياحبايبي تسمعوا المحاضره ده لو فهمتوا حاجه من الدكتور اصله بيحافظ اوي علي
معاد المحاضره وبييجي بعد نصف الوقت ويحكي عن عذاب الشوارع والزحمه
كتر خير الراجل جي تعبان طلع عينه في الطريق

طول السنه لعـــــــــب وتهريج وتهييس موووووت وقبل الامتحانات تلاقي الاجتهاد
والدروس والمحاضرات والملغي ووووو وشكل الجامعه يفرح
يقول فعلا ان احنا شباب جامدين اوووي وهنطلع حاجه جامده اوي في البلد دي

متقلقوش ياحبايبي هتشوفوا مع جامعتنا حبيبتنا كل ايلي نفسكم فيه

هناك 3 تعليقات:

غير معرف يقول...

هههههههه
جامده اوى وصدقتى فى حكاية كلية اداب ديه
دنا كنت داخل بحسب اربع خمس اقاسم ديه فيها حوالى سبعين قسم
وبجد انتى كانك كاتبه سيناريو للبيحصل بالظبط

غير معرف يقول...

allah ya hoba ana tfa2lt bklamk w gaw al gm3a al gaaaamed da al e7n zay ma bt2oly keda bnb2a mstnyno b3d tol 3zab walahy da shklo al 3zab nfso ..w shklna kda bn2a w5deen m2lab f nfsna..almohm enty enjooooy it w 5las 3shan t2reeban de btb2a a7la ayam..w rbna yostor 3lena b2a nada.

elmar7o0om يقول...

ya hoba ya gamel 2ante lesa fe sana 2ola w lesa elmoshwar 2odamel kbeeeeeeeeeeeeeeeeeeeeeeeeeer