الاثنين، 16 يونيو 2008

الاحساس

الصوره دي قمه الاحساس بالنسبه ليه
الاحساس ده اجمل حاجه في الدنيا انك تحس بأن في حد او حاجه بتحس بيك
اكيد هترتاح لما يوصلك ده من اي حد مهما كان لو حتي من عصفور صغير
الاحساس مهم اوي في كل حاجه

الاحساس بين الحبيبن حلو اوي لما تتكلم مع حبيبك وهو فاهمك
بس الاجمل انك تتكلم معاه وهو حاسك
الكلام هيوصل قبل ميخرج اصلا

الاحساس مهم اوي بين الام واولادها
لازم هتحس بيهم هتقف جنبهم
معاهم في مشاكلهم ايوه لازم يكون موجود الاحساس ده

الاحساس بين الاصدقاء ان في واجب عليه
ان صاحبي ده اخويا صحبي ده حته مني
في لينك مشاعر واصل بينكم جميل اوي ده

الاحساس بين الاخوات احساس الاخوه شئ جميل جدا
كل حاجه في حياتنا في احساس بتبقه احلي

الصوره لو فيها احساس هتوصل علي طول
بل بالعكس الصوره بتعكس الاحساس وبتوصل الفكره

ولكن ازاي تقدر توصل احساسك ده ومش بس كده وتوصله صح كمان
وياتري هتقدر تتكلم مع حد مش حاسك
وهتعرف منين انه مش حاسك
وانت ازاي بتوصل احساسك هل بالكلام؟ بنظره؟ بلمسه؟

هناك 5 تعليقات:

حـــــدوتـــــة يقول...

السلام عليكم
انا حاسس بكل اللى بتقوليه
والصورة فعلا جمياة جدا
انتى عارفة انا مكنتش باخد بالى من منظر الغروب قبل كده
لحد ما دخلت الجيش وكان مركز التدريب بتاعى على البحر
وفضلت 46 يوم متواصل بحضر الشروق والغروب
واخدت بالى ان المنظر ده من اجمل الصور اللى خلقها الله
بس المشكلة اننا دايما بنشغل دماغنا بحاجات مش مهمة ومش بناخد بالنا من حاجات لو ركزنا فيها شوية هننسى الدنيا ومشكلها
بوست حلو اوى

سلالالالالالالالالالالالالالالالالالالالالالالام

ImmiGraTe يقول...

على فكرة بقى أحلى حاجة فى الدنيا منظر الشروق وكمان الغروب

أنا عامة أى منظر طبيعى مافيهوش أى تدخل من الإنسان ، بحس إنه مليان إحساس

إنتى عارفة كمان ، كان فى مشهد فى فيلم أفريكانو (منظر إتنين فيلة وهما بيتخانقوا مع بعض) طبعا الفيلم ده بال>ات مليان بالمشاهد الطبيعية ، لكن المنظر ده بالدات ما أعرفش بيعمل فيه إيه ، مش عايزة أقولك بيدمرنى يعنى ، بحس فيه فعلا بجمال الطبيعة وجمال كل حاجة فيها

كفاية كده بقى عشان أنا سرحت قوى

amira portsaid يقول...

أنا بالنسبه ليا من منظر الغروب بيخوفني وبيحسسني بالفراق والوداع والمعاني ديه أنا مبحبهاش أبدا
بالرغم من سحر منظر الغروب وخصوصا وانتي ماشيه ع البحر والشمس بتستخبى في الميه كأنها مكسوفه كسوف لذيذ قوي وبتستخبى من عيون الناس لكن منظر الغروب لازم يخلي قلبي يدمع

gangahoba يقول...

جميل اوي يااميره الوصف ده
وميرسي اوي ياهاجر وياحدوته علي كلامكم

ImmiGraTe يقول...

" والشمس بتستخبى في الميه كأنها مكسوفه كسوف لذيذ قوي وبتستخبى من عيون الناس "

حلو قوى ده يا أميرة حسسنى بالكسوف